ចូលជាសមាជិក
រសៀលថ្ងៃទី២៦ ខែមិថុនា ឆ្នាំ២០១៧ សភាពាណិជ្ជកម្មកម្ពុជា បានសហការជាមួយក្រុមប្រឹក្សាចិនជំរុញពាណិជ្ជកម្មអន្តរជាតិខេត្តសានតុង រៀបចំវេទិកាសហប្រតិបត្តិការសេដ្ឋកិច្ច និងជំនួបពាណិជ្ជកម្មកម្ពុជា-ចិន (សានតុង) នៅសណ្ឋាគារភ្នំពេញ រាជធានីភ្នំពេញ។ វេទិកានេះ ត្រូវបានរៀបចំឡើងក្រោមអធិបតីអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និង លោកស្រី Zhai Luning អនុប្រធានគណៈកម្មការប្រឹក្សានយោបាយប្រជាជនចិនខេត្តសានតុង និងមានការចូលរួមពីពាណិជ្ជករ/ធុរជនកម្ពុជា-ចិនជាច្រើន។ គោលបំណងនៃជំនួបនេះ គឺដើម្បីពង្រឹងសហប្រតិបត្តិការល្អរវាងកម្ពុជា និងចិន (សានតុង) និងដើម្បីជាវេទិកាសម្រាប់ជាការជួបជុំរវាងពាណិជ្ជករកម្ពុជា-ចិនក្នុងការបង្កើតទំនាក់ទំនងធុរកិច្ច និងស្វែងរកឱកាសចាប់ដៃគូពាណិជ្ជកម្ម និងការវិនិយោគនៅកម្ពុជា។
