១. តើសភាពាណិជ្ជកម្មកម្ពុជាគឺជាអ្វី? គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពទាំងអស់មានលក្ខណៈស្ម័គ្រចិត្ត និងជាស្ថាប័នតំណាងការពារផលប្រយោជន៍ជូនវិស័យឯកជនលើផ្នែកពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឲ្យសេដ្ឋកិច្ចជាតិកម្ពុជា។ សម្រាប់ព័ត៌មានលម្អិតសូមចូលទៅកាន់ អំពីសភាពាណិជ្ជកម្មកម្ពុជា។ ២. តើត្រូវធ្វើដូចម្តេចខ្លះដើម្បីក្លាយជាសមាជិកសភាពាណិជ្ជកម្មកម្ពុជា? ក្រុមហ៊ុនក្នុងស្រុក និងក្រុមហ៊ុនបរទេស ឬសមាគមពាណិជ្ជកម្មអាចចូលជាសមាជិកសភាពាណិជ្ជកម្មកម្ពុជាបាន ដោយគ្រាន់តែបំពេញបែបបទនៃពាក្យស្នើសុំ ភ្ជាប់មកជាមួយឯកសារពាក់ព័ន្ធ រួចបង់ថ្លៃសមាជិកភាពជាការស្រេច។ ចំពោះពាក្យស្នើសុំលោកអ្នកអាចទាញយកនៅទីនេះបាន។ ដើម្បីអាចចូលជាសមាជិកសភាពាណិជ្ជកម្មកម្ពុជាបាន ក្រុមហ៊ុនត្រូវតែចុះបញ្ជីពាណិជ្ជកម្មនៅក្រសួងពាណិជ្ជកម្ម រីឯសមាគមពាណិជ្ជកម្ម ត្រូវតែចុះបញ្ជីនៅក្រសួងមហាផ្ទៃ ឬស្ថាប័នមានសមត្ថកិច្ចពាក់ព័ន្ធផ្សេងៗទៀត។ ៣. តើសមាជិកទទួលបានអត្ថប្រយោជន៍អ្វីខ្លះ? ទទួលបាននូវឱកាសធុរកិច្ច លើកកម្ពស់ និងជំរុញកេរ្តិ៍ឈ្មោះអាជីវកម្ម ក្នុងព្រឹត្តិការណ៍ថ្នាក់ជាតិ តំបន់ និងអន្តរជាតិ ចូលរួមព្រឹត្តិការណ៍នានាជាមួយសមាជិកផ្សេងៗទៀត ក៏ដូចជា សភាពាណិជ្ជកម្មបរទេស និងស្ថានទូត ទទួលបានទិន្នន័យធុរកិច្ច និងការវិនិយោគ ចូលរួមផ្តល់យោបល់ក្នុងកិច្ចការកែសម្រួលផ្នែកច្បាប់ និងបទបញ្ញត្តិនានា ៤. តើសភាពាណិជ្ជកម្មកម្ពុជាផ្តល់សេវាកម្មអ្វីខ្លះ? ជំនួបពាណិជ្ជកម្មជាមួយអ្នកទិញនិងអ្នកផ្គត់ផ្គង់អន្តរជាតិ ជំនួបពាណិជ្ជម្មរវាងឧស្សាហករ និងផលិតករក្នុងស្រុក ព្រឹត្តិការណ៍តភ្ជាប់ទំនាក់ទំនងធុរកិច្ច ទស្សនកិច្ចធុរកិច្ច ពិព័រណ៍ វគ្គបណ្តុះបណ្តាល និងកសាងសមត្ថភាព ផ្តល់សេវាកម្ម អនុលោមភាពផ្នែច្បាប់ ចេញលេខបារកូដ (សម្រាប់សមាជិកបារកូដកម្ពុជា) ៥. តើសភាពាណិជ្ជកម្មកម្ពុជាមានភារកិច្ចអ្វីខ្លះ? អនុលោមតាមអនុក្រឹត្យលេខ១៦ អនក្រ.បក ចុះថ្ងៃទី០៧ ខែកុម្ភ: ឆ្នាំ២០១៧ ស្ដីពី ការរៀបចំនិងការប្រព្រឹត្ដិរបស់សភាពាណិជ្ជកម្មកម្ពុជា សភាពាណិជ្ជកម្ម មានតួនាទីនិង ភារកិច្ចដូចខាងក្រោម៖ ចូលរួមអនុវត្តគោលនយោបាយសេដ្ឋកិច្ច ពាណិជ្ជកម្ម ផ្តល់យោបល់ជូនរាជរដ្ឋាភិបាលស្តីពី ព័ត៌មានសេដ្ឋកិច្ច និងវិនិយោគ ជាដៃគូចរចាជាមួយរាជរដ្ឋាភិបាល ធ្វើទំនាក់ទំនងជាមួយប្រភពសេដ្ឋកិច្ច និងហិរញ្ញវត្ថុក្រៅប្រទេស បង្កើតវគ្គបណ្តុះបណ្តាល ដល់គ្រឹះស្ថានអាជីវកម្ម ចូលរួមសកម្មភាពជាមួយសភាពាណិជ្ជកម្មក្នុងតំបន់ និងពិភពលោក -ល-។
ចូលជាសមាជិក
