ចូលជាសមាជិក
នាថ្ងៃចន្ទ ៩កើត ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ២២ ខែមីនា ឆ្នាំ2021 នារសៀលម៉ោង ០២៖០០នាទីរសៀល ឯកឧត្តម ឧកញ៉ា ងួន ម៉េងតិច អង្គនាយកសភាពាណិជ្ជកម្មកម្ពុជា តំណាងដ៏ខ្ពង់ខ្ពស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និង ឯកឧត្តម ឧកញ៉ា បណ្ឌិត តាន់ គឹមមេង បានប្រគល់កុំព្យូទ័រយួរដៃ (Laptop) ចំនួន០៥គ្រឿង ជូនដល់មន្ទីពេទ្យកុមារជាតិ សម្រាប់ប្រើប្រាស់ក្នុងមន្ទីពេទ្យកុមារជាតិ ជាពិសេសតម្រូវការការងារចាក់វ៉ាក់សាំងការពារជម្ងឺកូវីដ-១៩ នាពេលបច្ចុប្បន្ន។
ឯកឧត្តម វេជ្ជបណ្ឌិត ញឹប អង្គារបុស្ស នាយកមន្ទីពេទ្យកុមារជាតិ បានអរគុណដល់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ដែលឧបត្ថមនូវកុំព្យូទ័រដល់មន្ទីពេទ្យកុមារជាតិ និងសូមជូនពរ អ្នកឧកញ៉ា គិត ម៉េង និងលោកជំទាវ ព្រមទាំងថ្នាក់ដឹកនាំ សមាជិក-សមាជិកា និងអរគុណដល់ឯកឧត្តម ឧកញ៉ា អគ្គនាយកសភាពាណិជ្ជកម្មកម្ពុជាផងដែរ សូមបានទទួលនូវ ពុទ្ធពរ ទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
