ព័ត៌មាន

(កោះកុង)៖ នាថ្ងៃទី១៤ ខែសីហា ឆ្នាំ២០២៤ ក្រោមការគាំទ្រពីសហគ្រិនខ្មែរ និងដៃគូរសហការនានា ប្រតិភូនៃសភាពាណិជ្ជកម្មកម្ពុជាចំនួន ២៦រូប ក្រោមការសម្របសម្រួលដោយ លោក ចាង ជីវិញ ប្រធានសភាពាណិជ្ជកម្មខេត្តកោះកុង បានធ្វើទស្សនកិច្ចទៅកាន់ក្រុមហ៊ុន យូញៀន ឌីវីឡុបមិនគ្រុប ដើម្បីស្វែងយល់កាន់តែច្បាស់ថែមទៀត ពីសក្តានុពលតំបន់តារាសាគរ ក្នុងខេត្តកោះកុង ដែលរួមមានតំបន់ពាណិជ្ជកម្មសំខាន់ៗដូចជា៖ កំពង់ផែកោះកុង, តំបន់សេដ្ឋកិច្ចពិសេស និងអាកាសយានដ្ឋានតារាសាគរ ខេត្តកោះកុង ។

សូមជម្រាបជូនថា តំបន់តារាសាគរជាគម្រោងប្រតិបត្តិការទីក្រុងដំបូងរបស់ក្រុមហ៊ុន យូញៀន ឌីវីឡុបមិនគ្រុប ដោយរួមបញ្ចូលនូវធនធានសំខាន់ៗចំនួនបី គឺធនធានធម្មជាតិ, ធនធានវប្បធម៌, ស្មារតីមនុស្សធម៌ក្នុងតំបន់ និងធនធានគុណភាពខ្ពស់នៃគោលនយោបាយ។ ក្រុមហ៊ុន យូញៀន ឌីវីឡុបមិនគ្រុប ប្រឹងប្រែងអភិវឌ្ឍតំបន់តារាសាគរឲ្យក្លាយទៅជាទីក្រុងពណ៌បៃតង សម្បូរធនធានធម្មជាតិ ទីក្រុងឆ្លាតវៃ ទីក្រុងបច្ចេកវិទ្យានៃទិសដៅទេសចរណ៍តំបន់សមុទ្រសាកល។

ដំណើរទស្សនកិច្ចពាណិជ្ជកម្មមកកាន់ខេត្តកោះកុង មានការគាំទ្រពីសហគ្រិនខ្មែរ និងឧបត្ថម្ភពីធនាគារវីង (ខេមបូឌា) ម.ក , កំពង់ផែស្វយ័តភ្នំពេញ, ធនាគារសហគ្រាសធុនតូច និងមធ្យមកម្ពុជា, ក្រុមហ៊ុន វីរៈប៊ុនថាំអេចប្រេស និងក្រុមហ៊ុនញ៉ូ ញៀន គ្រុប៕

រូបភាព និងអត្ថបទដោយ៖ នាយកដ្ឋានទំនាក់ទំនងសភាពាណិជ្ជកម្មខេត្ត-ក្រុង