BECOME A MEMBER
សភាពាណិជ្ជកម្មខេត្តបាត់ដំបង និងសភាពាណិជ្ជកម្មខេត្តបន្ទាយមានជ័យ ចុះសួរសុខទុក្ខ កងទ័ពប្រាសាទតាមាន់ និងប្រាសាទតាក្របី
..............................................
(បាត់ដំបង-បន្ទាយមានជ័យ): ថ្ងៃពុធ ១៥រោច ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៥ ខែមិថុនា ឆ្នាំ២០២៥ ក្រោមការផ្ដួចផ្ដើមរបស់អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង និងឧកញ៉ា អ៉ឹង វណ្ណម៉ៅ ប្រធានសភាពាណិជ្ជកម្មខេត្តបន្ទាយមានជ័យ បានដឹកនាំសមាជិក សមាជិកា ចំនួន ១១០រូប អញ្ជើញចុះសួរសុខទុក្ខ និង បាននាំយក ស្បៀងអាហារ សម្ភារ: និងថវិកា ទៅជូនដល់ ឯកឧត្តម ឧត្តមសេនីយឯក កែវ ធី មេបញ្ជាការរងកងទ័ពជើងគោក និងជាប្រធានគណៈបញ្ជាការឯកភាពសមរភូមិទិសទី៣ ព្រមទាំង មេបញ្ជាការរង នាយទាហាន នាយទាហានរង ដែលឈរជើងនៅសមរភូមិទិសទី៣ មានដូចជាប្រាសាទតាមាន់ តាក្របី។
ក្នុងនោះដែរអំណោយដែលទទួលបានជា ស្បៀងអាហារ សម្ភារ: និងថវិកា គឺបានមកពីការចូលរួមគាំទ្រពី សមាជិក សមាជិកា ម្ចាស់សហគ្រាសកែច្នៃផលិតផលក្នុងស្រុក ម្ចាស់អាជីវកម្ម អាជីវករផ្សារបន្លែ ភួ ពុយ សប្បុរសជននានា នាំគ្នារួមរួបគ្នាដើម្បីជាកំលាំងចិត្ត និងការលើកទឹកចិត្ត ជូនបងបងកងទ័ព ក្នុងស្មារតីសេ្នហាជាតិតែមួយ។
ក្នុងឱកាសនេះដែរ អ្នកឧកញ៉ាប្រធាន ក៏បានសរសើរ និងលើកទឹកចិត្ត បងបង កងទ័ពដែលបានលះបង់ និងបំពេញកាតព្វកិច្ចយ៉ាងម៉ឺងម៉ាត់ ក្នុងការការពារបូរភាពទឹកដីកម្ពុជារបស់យើងពីជនឈ្លានពាន។បន្ថែមពីនេះ អ្នកឧកញ៉ាប្រធាន ព្រមទាំង សមាជិក សមាជិកា ម្ចាស់សហគ្រាសកែច្នៃផលិតផលក្នុងស្រុក ម្ចាស់អាជីវកម្ម អាជីវករផ្សារ បន្លែ ភួ ពុយ ប្ដេជ្ញានឹងធ្វើជាកំលាំងជួរក្រោយ ចាំជួយគាំទ្រពីក្រោយពេលដែលបងបងកងទ័ពត្រូវការ។
រូបភាព និងអត្ថបទ: សភាពាណិជ្ជកម្មខេត្តបាត់ដំបង និងសភាពាណិជ្ជកម្មខេត្តបន្ទាយមានជ័យ
