News

ពិធីបើកវគ្គបណ្តុះបណ្តាលវិជ្ជាជីវៈជើងសាគយជំនាន់ទី១១

Opening Ceremony of the 11th Generation of Customs Brokers' Vocational Training Course

———

នាព្រឹកថ្ងៃច័ន្ទ ១០រោច ខែកត្តិក ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៥ ខែវិច្ឆិកា ឆ្នាំ២០២៤ វេលាម៉ោង ៩:០០នាទីព្រឹក នៅសាលាជាតិគយ, ឧកញ៉ា គួច ផេង អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារបច្ចេកទេសទី៣​ នៃយន្តការភាពជាដៃគូគយ-ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៦ ផ្នែកឯកជន បានដឹកនាំសមាជិកសភាពាណិជ្ជកម្មកម្ពុជាមួយចំនួន អញ្ជើញចូលរួមក្នុង ពិធីបើកវគ្គបណ្តុះបណ្តាលវិជ្ជាជីវៈជើងសាគយជំនាន់ទី១១ ក្រោមអធិបតីភាព លោក ចាន់ សុភាព អគ្គនាយករង អ.គ.រ តំណាងដ៏ខ្ពង់ខ្ពស់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា។ ពិធីបើកវគ្គបណ្តុះបណ្តាលនេះក៏មានការចូលរួមផងដែរពីសំណាក់សិក្ខាកាមនៃជំនាន់ទី១១នេះ, ស្ថាប័នពាក់ព័ន្ធនៃរដ្ឋាភិបាល, មន្ត្រីពាក់ព័ន្ធនៃអគ្គនាយកដ្ឋានគយ និងរដ្ឋាករកម្ពុជា, តំណាងសមាគមភស្តុភារកម្មកម្ពុជា, និងអ្នកពាក់ព័ន្ធជាច្រើនទៀតផងដែរ។

ក្នុងកម្មវិធីបណ្តុះបណ្តាលវិជ្ជាជីវៈជើងសាគយជំនាន់ទី១១នេះ និងប្រព្រឹត្តទៅតាមកាលបរិច្ឆេទ និងរបៀបវារៈដែលបានរៀបចំដោយសាលាជាតិគយ និងត្រូវបានចែកជូនទៅកាន់សិក្ខាកាមនិមួយៗ។​

ពិធីបើកវគ្គបណ្តុះបណ្តាលនេះបានបញ្ចប់នៅថ្ងៃខែឆ្នាំដដែល វេលាម៉ោង ១២:០០នាទីថ្ងៃត្រង់ ក្នុងបរិយាកាសរីករាយ និងយោគយល់គ្នា។

————

ព័ត៌មានបន្ថែម សូមទំនាក់ទំនងមកតាមរយៈ info.gpsfccc@gmail.com

#gpsfcambodia #pswg #gpswg #cambodiachamberofcommerce #សភាពាណិជ្ជកម្មកម្ពុជា #ccc