BECOME A MEMBER
ថ្ងៃព្រហស្បតិ៍ ១ កើត ខែមិគសិរ ឆ្នាំខាល ចត្វាស័ក ព.ស២៥៦៦ត្រូវនឹងថ្ងៃទី២៤ ខែវិច្ឆិកា ឆ្នាំ២០២២
(បាត់ដំបង)៖ សភាពាណិជ្ជកម្មខេត្តបាត់ដំបងបានសហការជាមួយនិយ័តករគណនេយ្យ និងសវនកម្មបានរៀបចំកម្មវិធី សិក្ខាសាលាផ្សព្វផ្សាយស្ដីពី"កាតព្វកិច្ចគណនេយ្យនិងសវនកម្ម" និងបទប្បញ្ញត្តិពាក់ព័ន្ធ សម្រាប់សហគ្រាសក្នុងខេត្តបាត់ដំបង នៅសាលមហោស្រពស្ទឹងសង្កែ ខេត្តបាត់ដំបង ក្រោមអធិបតីភាពឯកឧត្តម ប៊ូ ថារិន អគ្គនាយកនិយ័តករគណនេយ្យ និងសវនកម្ម នៃអាជ្ញាធរសេវាហិរញ្ញវត្ថុមិនមែនធនាគារ,ឯកឧត្តម អ៊ុយ សុធារី អភិបាលរង នៃគណ:អភិបាលខេត្តតំណាងដ៏ខ្ពង់ខ្ពស់ឯកឧត្តម សុខ លូ អភិបាលនៃគណ:អភិបាលខេត្តបាត់ដំបង និងមានការអញ្ជេីញចូលរួមពីលោក ភិន រ៉ា តំណាងឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង លោក-លោកស្រី ប្រធានមន្ទីរ តំណាងប្រធានមន្ទីរ ព្រមទាំង អាជីវករ ពាណិជ្ជករ ម្ចាស់ រឺតំណាងក្រុមហ៊ុន សហគ្រាស ធនាគារ -ល-។
គោលបំណងនៃសិក្ខាសាលានេះគឺដេីម្បីផ្សព្វផ្សាយនិងបញ្រ្ជាបការយល់ដឹងអំពីច្បាប់ និងបទប្បញ្ញត្តិពាក់ព័ន្ធនឹងគណនេយ្យនិងសវនកម្ម ព្រមទាំងស្ដង់ដាបច្ចេកទេសនៅកម្ពុជាដល់នាយកក្រុនហ៊ុន សហគ្រាស ប្រធានអង្គភាពមិនស្វែងរកប្រាក់ចំនេញ និងអ្នកដែលទទួលខុសត្រូវលេីកិច្ចការងារគណនេយ្យរបស់សហគ្រាស និងអង្គភាពមិនស្វែងរកប្រាក់ចំនេញ។
អត្ថបទ និងរូបភាពដោយ៖ សភាពាណិជ្ជកម្មខេត្តបាត់ដំបង
