BECOME A MEMBER
នាព្រឹកថ្ងៃពុធ ១៣កើត ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១០ ខែសីហា ឆ្នាំ២០២២ នៅទីស្តីការក្រសួងពាណិជ្ជកម្ម ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានដឹកនាំគណៈប្រតិភូសភាពាណិជ្ជកម្មកម្ពុជា ចូលរួមកិច្ចប្រជុំបឋម ស្តីពី «ទិដ្ឋភាពទូទៅ នៃការរៀបចំការសិក្សាពីភាពងាយរងគ្រោះរបស់កម្ពុជា នៅពេលចាកចេញពីឋានៈប្រទេសអភិវឌ្ឍន៍តិចតួច»ក្រោមអធិបតីភាព ឯកឧត្តម ប៊ុន ចន្ធី អនុរដ្ឋលេខាធិការ ក្រសួងពាណិជ្ជកម្ម។
កិច្ចប្រជុំនេះធ្វើឡើងដើម្បីរៀបចំការសិក្សាអំពីភាពងាយរងគ្រោះ (Vulnerability Profile-VP) របស់កម្ពុជាក្រោយចាកចេញពីឋានៈប្រទេសអភិវឌ្ឍន៍តិចតួច(LDC)។ ការសិក្សានេះធ្វើឡើងបន្ទាប់ពីកម្ពុជាត្រូវបានរកឃើញជាលើកទី១ កាលឆ្នាំ២០២១ ថាកម្ពុជាមានលក្ខណ:សម្បត្តិអាចចាកចេញពីឋាន:ប្រទេសអភិវឌ្ឍន៍តិចតួច។
សភាពាណិជ្ជកម្មកម្ពុជានឹងចូលរួម កិច្ចប្រជុំម្តងទៀតនៅថ្ងៃទី ១២ ខែសីហា ឆ្នាំ២០២២ នៅទីស្តីការក្រសួងពាណិជ្ជកម្មដដែល ដើម្បីជួបប្រជុំដោយឡែកក្នុងកម្រិតបច្ចេកទេស។
